Kalau kite baca sejarahnye, pasti dah tau, ato liat aja ndiri klik aja di mari Nah kalo ude tau, baru dah nyadar kalo Betawi Bekasi ntuh umurnye lebih tue ketimbang Bekasi di sono noh Jakarte. Nah lebih jauhan lagi, ternyate kite juge keturunan Jawe.
Jadi Bekasi bukan aje masih sodaraan same Betawi nyang elo pikir ntuh Jakarte. Jadi elo jangan pade heran, kalo kue nyang ada juga mirip-mirip sama nyang ade di Betawi Jakarte.
Kue Akar Kelape atau orang Betawi bilangnya kue procot/clorot. Hal ini dikarenain care bikinnye diprocotin. Nah akarnya elo lihat ndiri dah, bentuknya khan emang mirip akar kelape.
Akar Kelape ini, jadi makanan khas saat hari raya. Jadi, kalo elo ngaku orang Bekasi, ya kudu pasti punye kue ini, pas lebaran. Orang Betawi bilang, kagak afdol kalo nih kue kagak disuguhin ke tamu pas hari raya. Akar kelape dibuat dari tepung ketan, gula pasir, margarin, telur dan air. Tapi ada juge nyang nambahin wijen di adonannye, biar rasanye tambah gurih.
